بۆچی هیچ شەڕێکی ناوچەیی هەڵناگیرسێت

 

 

شاهۆ حوسێنی

 ئەم شرۆڤەیە لەسەر ئەم گریمانەیە هەڵچنراوە کە لەگەڵ ئەوەدا هێرشەکانی ئیسرائیل دەوامێکی چەند حەوتەیی لەوانەیە هەبێت، بەڵام پەلە ناکێشێتە شەڕیکی ناوچەیی و گشتگیر لە رۆژهەڵاتی ناوین، ئەم گریمانەیە لەسەر بنەمای شرۆڤەی پێکهاتەی ژێئۆپۆلەتیکی ئێستای ڕۆژهەڵاتی ناوین، فۆڕماسیونی هاوبەندی(ائتلاف)، دەوری کایەکەرانی حکوومی و ناحکوومی و ئەولەویتی ستراتژیکی وڵاتانی ڕۆژهەڵاتی ناوین هەڵچنراوە.

-        غیابی هاوپەیمان و هاودەنگی ناوچەیی

ئێران لە ئاستی ناوچەیی و لەئاستی فەرمیدا هیچ حکوومەتێکی یەکگرتووی بەهێز و جێگای متمانەی لەگەڵدا نیە. کۆی گشتی یەکگرتوانی کۆماری ئیسلامی ڕێکخراوەگەلێکی تێرۆریستی و کایەکەرانی ناحکوومی وەک حەشدی شەعبی، حەماس، حیزبووڵڵا و حووسێکانن، کە بەشی هەرە زۆری ئەمانەش یان لەناو چوون، یان ئەوەندە لاوازن کە مەجالی بەشداری لەشەڕێکی بەربڵاو و درێژمەوادی ناوچەییان نیە. ئەمە لەکاتێکدایە کە ئیسرائیل هەم لەناوچە و هەمیش لەئاستی جیهانیدا یەکگرتووی وەک ویلایەتەیەکگرتۆکانی ئەمریکا و ئەوڕووپای هەیە.

-       تێبینێکانی کایەکەرانی بەهێزی ناوچەیی

وڵاتانی گەورەی ناوچە وەک: عەڕەسبتان، ئیمارات، میسر و تورکیا نە تەنیا یەکگرتوویی ستراژیکیان لەگەڵ ئێران نیە، کە لە کێبڕکێی ژێئۆپۆلەتیکی دان، عەڕەبستان وەک مێترۆپۆلی جیهانی ئیسلامی لە سەر قەڵشی سووننە- شیعە لەگەڵ ئێران دایە و تووڕەیە لە پستیوانی حووسێکان لەلایەن ئێرانەوە کە هێرشی نیزامیان کردۆتە سەر عەڕەسبتان، ئیمارات کێشەی ژیئۆپۆلەتیکی لەسەر سێ جەزیرە لەگەڵ ئێران هەیە، میسر پێوەندی دیپلۆماتیکی لەگەڵ ئێران نیە و تورکیاش هاوپەیمانی ستراتژیکی لەگەڵ ئێران نیە و بگرە لەسەر تێکهەڵچوونەکانی ئازەربایجان و ئەرمەنستان کە پاڵپشتی ئازەربایجان بوو، لەگەڵ ئێران لە کێشە دایە. بەگشتی ئەم وڵاتانە پێوەندی لەگەڵ رۆژئاوا و پەرەی ئابووری و پێوەندی بەربڵاوی ئابووری لەگەڵ رۆژئاوا بۆخاتری ئێران تێک‌نادەن.

-       دوورەپەرێزی ئیسرائیل و ئەمریکا لە شەڕێکی گشتگیر

هێرشی ئیسرائیل بۆسەر ئیران لەوە دەچێت مەبەستی لاوازکردنی کۆماری ئیسلامی لەریی لەناو بردنی ناوەندەکانی ئەتۆمی، نیزامی، مووشەکی و ژێرخانەکانی ئابووری بێت، تا ئیتر نەتوانێ هەڕەشە بێت بۆسەر ئیسرائیل.

شرۆڤەی دەرکەوتنی شەڕیکی بەربڵاوی ناوچەیی لەپاش هێرشی ئیسرائیل بۆسەر ئێران لەسەر بنەمای بەرچاوڕوونی مەیدانی، هاوسەنگی هێز، و کردەوەی کایەکەرانی ناوچەیی، ئەو ڕاستیە دەسەلمێنێت کە ئێران حکوومەتێکی پەراوێزی لە ڕۆژهەڵاتی ناوینە، لایەنگرانی یان لەناو چوون وەک سووریا و یان لاواز و بێ‌کەلک بوون وەک حەماس و حیزبوڵڵا، لەلایەکی‌تریش دۆخی ناوخۆیی ئێران و قەڵش و کەلێنی گەورەی دەسەڵات و کۆمەڵگا لەلایەک و وێرانی ئابووری لەلایەکی‌تر ئەگەرەکانی پەرەی شەڕی لەلایەن ئێرانەوە لاواز کردوە.